Silêmanî de nawnayîşê vera hukmatî dewam kenê. Nawnayîşanê ewro de hêzanê asayîşî û polîsan bi gazê îsotî û awa tazyikîne hêrişê çalakîkeran kerd, Wekîle Şîrîne birîndar bîye û xeylêk kesî ameyî destbendkerdene.
Vera dizdî, bêusûlî û kêmîya xizmetê rayaumûmîye yê hukmatê Herêma Kurdîstanî Silêmanî de nawnayîşan dest pêkerdbi. Nawnayîşî ewro zî dewam kenê.
Çalakîkeran verê Derîyê Sera de sloganê sey 'Dizdan birijnê', 'Barzanî û Talabanî muhendîsê talanî' vatî.
Hêzanê asayîşî û polîsan bi gazê îsotî û awa tazyikîne hêrişê çalakîkeran kerd. Hêriş de Wekîla Têgêrayîşê Goranî Şîrîne Emîn û rojnamegerî zî tede xeylêk kesî birîndar bîyî.
Dîya zanayene ke nawnayîş de xeylêk kesî ameyî destbendkerdene.
