Falîyetê artêşa Iraqî yê dormeyê Şingalî her rojê zêdîyenê.  Hukmatê Iraqî  bi metodanê neweyan vera Şingalî zafêr zext kena. Artêşa Iraqî yew aşme yo dormeyê Şingalî, bitaybetî zî herêma sînorê Rojawanî têl kena.

Têna sînor de  nê 5 kîlometre dûrê sînorî zî do bêro têlkerdene. Goreyê planî xeta Medîbanî ra heta dewa Qasimî ya qezaya Sinunî do bêro têlkerdene. Eke Şingal de xeta sînorî ra 5 kîlometre bêro dekewtene Xanesor û Sinunî rê yeno nêzdbîyayene.

Artêşa Iraqî herêma ereban a nêzdîya sînorî de des baregehanê bînan virazena. Viraştişê dêsê mabênê Rojawan û Şingalî zî dewam keno. Xeylêk wexto artêşa Iraqî mabênê Rojawan û Şingalî de dêsê 250 kîlometreyan virazenê. Berzîya dêsî nêzdîyê çar metreyan o.