Rêxistina DEM Partî ya Amedî bi wesîleya Roşanê Qurbanan Goristanê Berê Mêrdînî yê qezaya Bajarê Nû yê Amedî de, gorê sîyasetmedarê kurdî Vedat Aydin zîyaret kerd. Rêxistina DEM Partî û DBPyî ya Amedî, temsîlkarê MEBYA-DER, sîyasetmedara kurde Gultane Kişanak, Hemşaredara Amedî Serra Bucak, Wekîla DEM Partî ya Erziromî Merale Daniş Beştaş, Wekîla DEM Partî ya Amedî Adalete Kaya, keyeyê Vedat Aydinî û xeylêk kesî tewrê yadkerdişî bîyî.

Hemserekê DEM Partî yê Amedî Abbas Şahîbî serê gorî de ard ziwan ke şarê kurdî tim raştê faîlanê meçhulan ameyo la qetî têkoşînê xo ra fek vera nêdayo.

Dima birayê Vedat Aydinî Veysî Aydinî waşt ke wa roşan bibo wesîleya haştîyêka rûmetêne.

Merale Daniş Beştaş îfade kerd ke Vedat Aydin bi hawayêkê namerdî amebi qetilkerdene, ceza nêdîyaya kiştoxanê ci û vat: ''Faîlê nê qetilkerdişî dewlet a.''

Gultane Kişanak vat: ''Ma hêvî kenê ke rojêke serê gorê Vedat Aydinî bi raştîye roşnî bikerê.''