Rêxistina Partîya Demokratîke ya Şaran (HDP) yê Konya Hemserekê Pêroyî yê HADEPî Murat Bozlak serrgêra 6. ya şehadetê ci de dewa Aktaşî ya qezaya Şereflikoçhîsarî serê gorê ci de yad kerd.

Keyeyê Bozlak, rêxistina HDPyî ya Anqara, Wekîlê HDPyî yê Antalya Kemal Bulbul û Wekîlê HDPyî yê Adana Kemal Pekoz tewrê vîrardişî bîyî.

Badê rêzgirewtişî verê Kemal Bulbulî qisey kerd. Bulbulî Bozlak sey mehlimê xo yê sîyasetî name kerd û vat: ''Ey rixmê heme hêrişan çiray mucadele canêverda û tim hetê haştîye de bi. Ma soz danê ke ma do waştişê ey bîyarê ca.''

Kemal Pekozî ard ziwan ke Bozlakî tim semedê azadîya kurdan mucadele kerd û vat: ''Demo kes nêeftayêne vengê xo vejê  o mîyanê mucadeleyî de bi.''

Lajê Bozlakî Rûken Bozlakî zî nê vatî: ''Ma do beyraqa ey tim bikirişê û layiqê ey bi, rêça ci de aver şirê.''