Heyetê Koordînasyonî yê Yewîya Odayanê Mîmam û Muhendîsan (TMMOB) ê Amedî Komxebeta Vurîyayîşê Şaristanî yê Amedî eşkera kerd.

Heyetî netîcename de ard ziwan ke binê nameyê 'vurîyayîşî' de xoza û dormeyê Amedî yenê texrîbkerdene û bi nê hawayî kultur, vîr û awanîya tebîye ya Amedî zî yenê çinkerdene.

Netîcename de ame parekerdene ke bînayê TOKÎ goreyê şertanê awankerdişî nîyê û şaro koçber seba ke abigêro nêno teşwîqkerdene.

Heyetî eşkera kerd ke taxa Kaynartepe ya Rêzan û taxê Ensar û Saraçogluyî yê Artuklûyî sey warê birîskî ameyî îlankerdene. Heyetî pare kerd ke selahîyetdarî verî ke şar, dezgeh û rêxistinanê şaristanan reyd pêvînayîşan bikerê xebatan kenê.

Netîcename de nê pêşnîyazî ameyî kerdene:

-Birê seba vurîyayîşan goreyê kultur, bawerî, ekonomîk ûsn ê roniştoxan bêrê caardene.

-Projeyê vurîyayîşê şaristanî ganî şaristan aver berê, texrîb nêkerê.

-Ganî herêmanê vurîyayîşê şaristanî de verê rantî bêro girewtene.

Heyetî îfade kerd ke dewlete qezaya Sûrî ya Amedî û qezaya Nisêbînî ya Mêrdînî de tay projeyê vurîyayî kerdî la nê projeyî bîyî sebebê  rijîyayîşê wird qezayan.