Rojnameyê Xwebûnî bi wesîleya Roja Ziwanê Dayîke ya Dinya do şayîyêke bikero. Şivan Perwer, Kawa, Diyar, Xelîl Xemgîn zî bi rayîrê onlineyî tewrê şayîye bibê. Reyna hunermendî Kadîr Çat û Koma Sorjiyan zî do tewrê şayîye bibê. Wayîrê Îmtîyazî yê Xwebûnî Kadrî Esenî venga pêro kesan da ke tedayanê vera rojnameyî pûç bikerê.

Kadrî Eseno ke Ajansê Mezopotamya rê qisey kerd vist vîrî ke Xwebûn tek rojnameyo ke bi ziwanê kurdî (kurmanckî, kirdkî) Vakurê Kurdîstanî de weşanîyeno. Esenî pare kerd ke ê do şayîye 21ê Sibate Roja Ziwanê Dayîke ya Dinya de Amed de bikerê û vat: ''Seba ke ziwanê kurdkî vînî nêbo ma Rojnameyê Xwebûnî vejenê.''

Esenî venga pêro dezgeh, partîyanê sîyasîyan, komele, hunermendanê kurdan da ke tewrê şayîye bibê û vat: ''Ma a şewe do wayîrê Rojnameyê Xwebûnî zî vejîyê û tedayanê vera nê rojnameyê kurdkî pûç bikerê.''