Qezaya Silopî ya Şirnexî de 25ê çeleyê 2001 de Fermandarê Cendirmeyan Taşkin Akgunî venga Serekê HADEPî yê Silopî Serdar Taniş dabi ke wa bêro bînaya fermandarîye. Serekê HADEPî yê Silopî Serdar Taniş û Îdarekarê Partî Ebubekîr Denîz pîya şîyî fermandarîye. A roje ra nata nînan ra xeberêke çin a.

Serdar Taniş û Ebubekîr Denîz serrgêra 20. ya serebûtî de pê merasîmêk ameyî yadkerdene. Keyeyê Taniş û Denîzî, Wekîlê HDPyî yê Şirnex Hasan û Ozguneş û xelyêk kesî tewrê merasîmî bîyî.

Merasîm salona Rêxistina HDPyî ya Silopî de ame kerdene û salone de pankarta 'Ma rêçê to de yê' ameye akerdene.

Kekê Tanişî Yakup Tanişî eşkera kerd ke o çax hêzanê dewlete tim Taniş û Denîzî rê gef wendêne û vat: ''La rixmê hende gefan zî înan rayîrê xo şaş nêkerd, tira fek vera nêda. Înan oxirê dewaya xo de canê xo feda kerd. Ma zî do rêçê înan ser de şorê û vera zulmî sereyê xo nêarê war.''

Hasan Ozguneşî zî ard ziwan ke bedelê ci çi beno wa bibo ê do têkoşînê şehîdan dewam bikerê.