Têgêrayîşê Haştî û Hêvî yo ke merkezê ci Almanya de yodomananê Mexmûrî rê hetkarîye erşawitî. Çarçewa hetkarîye de 500 çantayê ke tede qeleme, hacetê wendiş û nuştişî estê erşawîyayî.

Merkezê Hêvî domananê hewcedaran rê çanteyî vila kerdî. Vilakerdişî ra verî nameyê Merkezê Hêvî ser o Mamosta Salîh Babatî qisey kerd û vat: ''Ma Têgêrayîşê Haştî û Hêvî rê sipas kenê. Mîyanê nê şert û mercanê ambargoyî de na hetkarîye keyfê ma ardo ca. Ma hêvîdar ê ke hetkarîyê winasênî do dewam bikerê.''

Dadîya bi nameyê Medîne Kara zî Têgêrayîşê Haştî û Hêvî rê sipas kerd û vat: ''Hewceyê ma pê hetkarîyan esto. Bi taybetî warê dermananê weşîye de ma hewceyê hetkarîyan ê.''