Dîlok de roniştoxo 2. dewaya ke hemserek û îdarekarê HDP û DBPyî zî tede 61 sîyasetmedarî tede ameyêne hukmkerdene ame kerdene. Wekîlê HDPyî Mahmut Tugrul û îdarekarê HDPyî zî tewrê roniştişî bîyî. 

Roniştiş de Maya Haştîye Dûrî Kaygusu bi rayîrê açarnayoxan pawitişê xo kerd. Dayîke Dûrîya 62 serre îfade kerd ke aye de nêweşîyê tansîyon, qelb û şekerî estê û serrêke ra nata bi hawayêkê îlegalî zîndan de tepişîyena. Dayîke Dûrî semedo ke wextê grevê vêşanîye yê 2018î de paştî daye lajê xo yê tepişteyî yena hukmkerdene. Dayîke Dûrî pawitişê xo de wina vat: ''Ez zaf nêweş a, nêeşkena bivîna. Mi sûcêk nêkerd. Lajê mi grevê vêşanîye de bi. Yew dadî se bikera mi zî wina kerd. Ez beratê xo wazena.''

Avûkata Dayîke Dûrî Bêrîvane Ozpolat zî vat: ''Beyanê şahîdê nimiteyî pûç o. Muwekîla mi seba lajê xo tewra çalakîya roniştişî bîye, no sûc nîyo. Muwekîla mi de nêweşîyê giranî estê û ganî prosesê janî de zîndan de nêmana.''

Heyetê mehkeme bire daye ke tepişîyayîşê Dûrî Kaygusuz wa dewam bikero. Roniştiş de têna Bîrcane Demîr û Cengîz Tunç vera dîyayî. 

Roniştiş taloqê 19ê sibate bi.