Tepişteyanê PKK û PAJKî 27ê teşrîna peyêne de zîndananê Tirkîya û Vakurê Kurdîstanî de vera tecrîdkerdişê Rayberê Şarê Kurdî Abdullah Ocalanî û binpaykerdişê heqanê tepişteyan grevê vêşanîye dabi destpêkerdene. 

Fermandaranê HPGyî ra Baran Farqîî grevê vêşanîye yê tepişteyan ercna.

Farqînî îfade kerd ke tepişteyî seba azadîya Rayberê Şarê Kurdî rayberîye kenê, binê şert û mercanê giranan de dest pê kampanya kenê û têkoşîn kenê xurtêr. 

Farqînî vat: ''Mabênê ma û embazanê ma yê tepişteyan de hetê fîzîkî ra mesafeyêk estbo zî hetê yewî û yewparetîya ruhê embazîya Apoyî ra qet yew ferq çin o. Zerrîya ma zî bi heman hîsanê înan dekerde ya. Ma seba heman armancî ciwîyenê.Embazê tepişteyî hêz û moral danê ma. ''

Farqînî da zanayene ke ê prosesêkê zehmetî de yê la Rayberîye, rêxistin, şar û gerîlayî zelal ê û vat: ''Seba serkewtişanê pîlan, azadîya şar û Kurdîstanî bêguman ganî bedelî bêrê dayene. Ma zaf embazê xo nê oxirî de şehîd dayî. Xoverdayîşê ma bêmabên dewam keno. Embazê tepişteyî seba cu û azadîye şehadet girewt verê çimanê xo û ê xo feda kenê. Ma pê bawer ê ke no xoverdayîş do teqez ser bikewê.''

Baran Farqînî ard ziwan ke Rayberê Şarê Kurdî Abdullah Ocalan bi hawayêkê giranî yeno tecrîdkerdene û vat: ''Seba gerîlayan wezîfe û armanco tewr pîl qedînayîşê tecrîdî û azadîya Rayberê ma yo. Eke embazê tepişteyî eşkenê zîndanan de xoverdayîşê winasênî bikerê hînî ma asta serkewtişî de yê. Nameyê gerîlayanê HPGyî ser ma do çalakîyanê xo yê seba azadîya Rayberîye bêmabên dewam bikerê.''