Bedrî Çakmak (46)o ke 11 serran o Zîndanê Amedî de tepişte yo, nêweşê kanserî yo, esteyê ci heliyenê û gonîye nêşina damaranê ci. Çakmak dima ke rewşa ci bîye giranêr wedarîya Nêweşxaneyê Cigêrayîş û Perwerdeyî yê Gazî Yaşargîlî yê Amedî.

Bedrî Çakmako ke nêweşîye ra bi 35 kîlo rixmê raporê 'nêeşkeno zîndan de bimano' zî vera nêdîya.

Lajê Çakmakî Osman Çakmakî da zanayene ke înan bi rayîrê avûkatan û pê raporê nêweşxaneyî muracatê Serdozgerîya Komare ya Amedî kerd. Labelê waştişê înan nêame qebulkerdene.