Tepişteyo nêweşo 63 serre Nîmet Degîş Zîndanê Maraşî de pê vîrusê Korona kewt.  Degîş de nêweşîyê faranjît, guatr, fitik, roqlayan estê û 28 serrî yo tepişte yo. Degîş 7ê kanûne de wedarîya nêweşxane û testê ci yê vîrusê Korona pozîtîf vejîya.

Cinîya Degîşî Sultane Degîş pare kerd ke 7ê kanûne de îdareyê zîndanî ci rê xebera testê Korona daye û vat: ''Mêrdeyê mi seba ke nêweş bi 14 roje o karantîna de mend. Embazê ci Azîz Atlig miqatê ci bîyo. Wexto ke reyna rewşa ci bîye xirabêr wedarîya nêweşxane û testê ci pozîtîf vejîya. La nêweşxaneyî vat mêrdeyêmi erşawîya zîndanî. Ma 8ê kanûne de zîndanî rê telefon kerd. La înan herinda ke agahdarî bidê persa ke ma mesele çara zanenê. Senî ke ma vat nêweşxaneyî ra ma musayî cade înan telefon qefilna. Îdare vano rewşa ey baş a la ma pê bawer nêkenê. Ma wazenê rewşa ey bimusê. ''

Sultane Degîş venga selahîyetdaranê dewlete da û vat: ''Serrêke û nêm cezaya ey mende û zaf nêweş o. Ey û pêro tepişteyanê nêweşan vera bidê.''