Teyarayanê dewleta tirke sûka Şingalî ser o bombayî rişnayî. Dîya zanayene ke netîceya hêrişî de merde û birîndarî estê.

Hêrişo ke wesayîtêk ame hedefgirewtene de 2 kesî şehîd bîyî yew kes zî birîndar bi. Şehîdî û birîndarî ameyî berdene nêweşxaneyê Şingalî. Şarê Şingalî ke şi herêma ke tede hêriş ame kerdene, nêrazîbîyayîş ramojna. Şar verê nêweşxaneyî de paweno.

Baldar o ke hêriş verê zîyaretê Şingalî yê Serekwezîrê Iraqî Mustafa Kazimî ame kerdene. Hêzê Iraqî zî şîyî warê hêrişî.

Endamê Komîteya Pawitişî ya Partlamentoyê Iraqî Elî El Xanimî ke Rojnewsî rê qisey kerd, hêrişê vera Şingalî şermezar kerd û vat: ''Dewleta tirke verê çimanê Serekwezîrê Iraqî Kazimî de Şingal bombarduman kerd. No hêriş îspat keno ke dewleta tirke heqanê bandure yê Iraqî rê hurmet nêkena. Eynî qeyde welatanê cîranan rê zî hurmet nêkena.''

El Xanimî waşt ke wa Serekwezîrê Iraqî Mustafa Kazimî û Wezîrîya Karanê Teberî  û Parlamentoyê Iraqî vera nê hêrişî warê mîyanneteweyî de têbigêrî.