Teyareyanê şerî yê tirkan warê Zap, Heftanîn û Gare bombarduman kerdî.  Beyanatê Merkezê Îrtîbatî û Çapemenîye yê HPGyî wina yo: 

"Artêşa Tirkan a îşxalkere vera Waranê Pawitişî yê Medya galê hewayî kerdî. Na çarçewa de;

Roja 14 teşrîna peyêne seat 13:00 de teyareyanê şerî dewa Rençberaxa ya ke herêma Zapî de ya, seat 17:00 de zî warê Sîda û Çemçoyî bombarduman kerdî. Roja 15 teşrîna peyêne seat 12:00 de teyareyanê şerî warê Tepê Dupişkî yo ke herêma Heftanîn de yo bombarduman kerd.  Roja 16 teşrîna peyêne seat 12.30 de teyareyanê şerî derdorê beldeya Çemanke ya herêma Gare dombarduman kerde. Dormeyê cayanê şênayî yê sîvîlan amey bombardumankerdene û netîceyê ney de bax û baxçeyê şarê herême de xesaro madî ame meydan. Galo ke vera herêma Heftanînî ameyo kerdene de di embazê ma şehîd bîy. Zanitişê nasnameyanê  ê nê di embazanê ma yê ke şehîd bîyê pey cû do rayapêroyî reyde bêrê parekerdene.”