Gerîlayê HPGyî Mervan Abî (Kendal Umut) 14ê hezîrane de Colemêrg de şerê vera atêşa tirke ya îşxalkere de şehîd bibi. Rixmo ke keyeyê ey seba ke cenaza bigêro 2 mengî verî numûneyê gonîye da hema zî cenazaya Mervanî nêameye teslîmkerdene.

Dadîye Songule Abî vera mesele nêrazîbîyayîşê xo mojna û vat: ''Mi waştişname da dozgerîye. Înan zî vat ke lajê mi merdo û ê do xebere bidê mi. Muracatê ma ser ra 52 rojî derba bîyî la hema zî înan cenazaya lajê mi nêdaye. No kerdişê înan bi xo îşkence yo.''

Dadîye Songule ard ziwan ke ê têna wazenê şerê serê gorê lajê xo de dûa bikerê û vat: ''Tay keyeyî bi serran nêeşkenê cenazaya xo bigêrê. Gorê tay keyeyan zî yenê texrîbkerdene. Cenazayê ma erey dîyenê ma. Bi nê hawayî ê wazenê ke mesele war verdê. La ê ewladê ma yê. Qet yew dadîya kurde şer nêwazena. Ma haştîye wazenê.  Tira parçeyêk zî bimano ez cenazaya lajê xo wezana. Heta ke ma weş bibê ma do wayîrê domananê xo vejîyê.''