Konferansê 'Kurdîstan: Mabênê Şer û Haştîye de' bi panelê diyînî dewam kerd.

Panel de Temsîlkara Rojawanî Nûrşene Hisên qisey kerd. Nûrşene da zanayene ke Îdareyê Xoserî û şarê Rojawanî qet hêrişê Tirkîya nêkerd û çarçewa xopawitişê meşrûyî de cewab da hêrişanê Tirkîya. Nûrşene eşkera kerd ke Tirkîya heta nika 8835 kîlometre erdê Sûrîye û Rojawanî îşxal kerdo û nika zî demografîya herême vurnena.

Nûrşene pare kerd ke hêrişanê dewleta tirke de 800 hezar kesan koç kerd, 3000 kesî ameyî qetilkerdene, 1300 sivîlî bîyî gazî, bi hezaran cinîyî ameyî remnayene û tecawuzkerdene, 3 mîlyon zeytûnêrê Efrînî birîyayî û dewleta tirke 160 dibistanî kerdî baregehê leşkerî.

Panel de Mamostayê Zanîngehê Havjîne Mela Emîn zî ard ziwan ke dewleta tirke Rojawan de sey DAÎŞ têgêrena û sere de Yewîya Ewropa waro mîyanneteweyî vera Tirkîya bêveng ê.

Peynîya panelî de Rojnameger Fatîh Ferecî qisey kerd û bale ante alozîyanê Başûrê Kurdîstanî ser. Ferecî îfade kerd ke ganî meseleyî pê dîyalogan bêrê çareserkerdene.