Endama Koordînasyonê PAJKî Raperîne Munzur ANFyî rê  alozîya Başûrî ser o qisey kerd.

Qiseykerdişê Raperîne Munzur ra beşêk wina yo:

''Vakurê Kurdîstanî û Tirkîya de tacîz û tecawuzê vera cinîyan polîtîkaya dewlete yê. Faşîzm bi polîtîka û metodanê gemarinan tewr zaf hêrişê cinîyan keno. Dewlete xîret kena ke komelê Kurdîstanî dejenere bikera û tecawuz bivurna kulturêk. La têkoşînê cinîyan bi qerardarî dewam keno. Cinîyî tewr zaf babeta xopawitişî ser o vindenê. Ganî cinîyî her war de xo bipawê.

Hêriş û ablûqayê vera gerîlayan zêdîyayî. Hêzê ke nînan kenê pêşmerge nê hêzê kontra û îstîxbaratî yê. Dewleta tirke seba ke nêeşka pêşmergeyan bierşawa nê hêzî erşawitî waranê ma. Çunke pêşmergeyê rûmetînî ney qebul nêkenê.

Dewleta tirke seba ke şer biqewimo hetê sîyasî, dîplomatîk û leşkerî ra dişmenîya kurdan kena.Dewleta tirke xîret kena ke PDK sey hêzê kontra bişuxilna. Ganî PDK destûr nêdo ney. No çi do peynîya PDKyî bîyaro û kurdan rê zî fayde nêkeno.

Seba ke kurdî şerêkê muxtemelî ra zerar nêvînê ma tim pê sebrî têgêrenê. La sebr zî heta yew ca yo. Vera hêrişan xopawitiş refleksêko tebî yo. PDKyî vera PKKyî şer îlan kerd. Ê hertim derheqê gerîlayan de agahîyanê stratejîkan danê dewleta tirke. Şerê ma yê vera dewleta tirke PDK hetê dewlete de ca gêno. Ganî PDK cade naye ra fek vera bido.

Ez venga şarê Başûrî dana ke verê îxanet û ajanîye wurzo payan ser. Dewleta tirke Başûr de çend baregehî viraştî, her ca de rêxistina MÎTî esta. Wezîfeyê ma yo ke ma şarê Başûrî bipawê. Hêrişê vera PKKyî Bqşûrî rê fayde nêkenê. Wa PDK bifikiro ke nê hêrişî kamî rê fayde kenê.

Ganî pêşmergeyî xo birakûjî ra dûrî bigêrê. Ganî şarê Başûrî vera îxanet û ajanîye vejîyê, nêverdêke erdê înan bêro îşxalkerdene.''