Serkêşîya TUAY-DERî de verê Zîndanê Qefilnayeyî yê Tîpê Tyî yê Amedî de eşkerayîyêke ameye dayene. Eşkerayîye de ame vengdayene ke wa tecrîdê serê Rayberê Şarê Kurdî Abdulah Ocalanî bêro wedaritene û waştişê tepişteyan bêrê qebulkerdene.
TUAY-DERî derheqê grevê vêşanîye yê zîndanan ke vera tecrîdê serê Rayberê Şarê Kurdî Abdulah Ocalanî û binpaykerdişê heqan ê zîndanî 27ê teşrîna peyêne de ameye destpêkerdene de eşekrayîye daye.
Eşkerayîya ke verê Zîndanê Qefilnayeyî yêTîpê Tyî yê Amedî ameye kerdene Komeleya Paştdayîşê Kesanê ke Merdimê Xo Vînî Kerdî ya Mezopotamya, rêxistina HDPyî ya Amedî, Mayê Haştîye û xeylêk kesê bînî tewrê ci bîyî.
Eşkerayîye de îdarekarê TUHAY-DERî Mehmet Uzenî wend. Uzenî bale ante ser ke seba ke vera neheqîye îmkanê fermîyî qedîyayî sey çareyê peyênî grevê vêşanîye kewte dewre û vat: ''Binpaykerdişo tewr pîl Îmrali de vera Ocalanî yeno kerdene. Bi sîstemê tecrîdî yeno waştene ke şar îtîat bikero.Tecrîd ewro heme komelî rê yeno kerdene. Tecrîd binpaykerdişê huqûqî yo ke nîno qebulkerdene. Ganî sere de Îmrali heme zîndanan de tecrîd bêro wedaritene û waştişê tepişeyan bêrê caardene.''
Eşkerayîya ke binê ablûqaya polîsan de ameye kerdene bi slogananê dayîkanê laçik sipîyan hînî bes o wa tecîr bêro wedaritene qedîyaye.
