Kurdîstan binê tesîrê vewre de mend. Goreyê eşkerayîya Mudirîya Pêroyî ya Bejrayîyanê Tirkîya ya ke medayaya sanale de ameye parekerdene rayîrê Çewlî-Xarpêt, Çewlîg-Amed tiran rê û rayîrê Dara Hênî û Çêrme wesayîtan rê ame qefilnayene.

Çewlîg de 78 dewê merkezî  û qezayanê Azarpêrt de 32, Dara Hênî de 59, Kanîreş de 38, Gêxî de 25, Bongilan de 23, Xorxol de 20 û Çêrme de 8 pêro pîya rayîrê 285 dewan resnayîşî rê qefilyayî.

Xarpêt de zî rayîrê 42 dewanê merkezî û qezayanê Axin, Xulaman, Mîyaran, Baskil, Maden, Dep, Keban, Qowancîyan, Pali û Xûx de pêro pîya rayîrê 396 dewan resnayîşî rê qefilîyayî.

Reyna Êlih, Sêrt, Şirnex,Wan, Colemêrg, Agirî, Mûş, Erdexan, Qers û Erzirom de rîyê varayîşê vewre ra rayîrê bi seyan cayanê ronişitşî qefilîyayî.