Mûş, Bedlîs, Colemêrg û qezayanê Qileban û Elkê yê Şirnexî de varayîşê zêdêrî ra tewr tay 821 rayîrê dewan qefilîyayî. Qezayanê Wanî de Şax de 124, Seray de 70, Elbak de 22, Ebex de 44, Erdîş de 12, Payîzava de 30, Rêya Hevrîşme de 5, Qelqelîde 60 û Tûşba de 5 rayîrê dew û dewekan qefilîyayî. Vewre rayîrê Wan-Serayî zî girewt.

Colemêrg de zî vewre rayîrê 74 cayan girewt. Merkezê şaristanî û Gever pê vewre xemilîyayî.

Mûş de rayîrê 17 dew û dewekan qefilîyayî. Korkut de 10, Kp de 55, Melezgîr de 65 û Gimgim de rayîrê 3 dewan vewre ra qefilîyayî.

Bedlîs de rayîrê 224 dewan qefilîyayî. Seba akerdişê rayîran vizêr şewe ra nata xebatî dewam kenê.

Şirnex de qezayanê Qileban û Elkê de rayîrî qefilîyayî.