Dima ke dewleta tirke hêrişê îşxalî Zap de dabî destpêkerdene gerîlaya YJA-Starî Adare Argeş zî sey embazanê xo yê bînan mîyanê tîmanê hereketînan de cagirewt û vera îşxalkeran Kurdîstan pawit. Gerîla Adare derbê giranî da dişmenî ro û rixmo ke birîndar bîya heta nefesê xo yê peyênî têkoşîn kerd.

Gerîla Adare sey fermandarêka tîmanê hereketînan waşt biba vengê embazan û şarê xo û çalakîya 25ê teşrîna peyêne ya 2022yî ra dima tewra karwanê şehîdan bîye.

 Gerîlaya YJA-Starî Adare Argeş şehadetê xo ra verî wina qala xoverdayîşê vera dişmenî kerdbî:

''Nika koyanê Kurdîstanî de şerêko giran qewimîyeno. Dişmenê şarê kurdî her rayîrî ceribneno û hêriş keno. Dewleta tirke wazena bi operasyonê 'Pençe Kîlîtî' Herêmanê Pawitişî yê Medya îşxal bikera la a bi xo tîya de kilîd bîya. Pêro hêrişê dewleta tirke ya îşxalkere ameyî pûçkerdene. Embazê ma vera hêrişanê kîmyewîyan seba pawitişê Kurdîstanî ganê xo nanê werte û xoverdayîşêkê tarîxîyî kenê.

Dişmen do nêeşko erdê Kurdîstanî îşxal bikero. Ma do bi qerardarî pêro hêrişanê dişmenî pûç bikerê û hêrişanê dişmenî bêcewab meverdê. Dişmen do ameyîşê Zapî ra poşman bibo. Wayîrê nê erdî ma yê, şarê ma yo. Serê Kurdîstanî de cayê dişmenî çin o. Se beno wa bibo ma do erdê xo yê fîrazî ra îşxalkeran vejê.''

Gerîla Adare Argeş 25ê teşrîna peyêne ya 2022yî de tewra operasyonê şorişgêrî ya Girê Cûdî û Girê FMyî bena û nê operasyonî de 19 îşxalkerî yenê cezakerdene. Gerîla Adare pa embazanê xo Heqî û Eyleme derbanê giranan dana dişmenî ro û bena şehîd.