Hemsereka Partîya Cuya Azade ya Kurdîstanî (PJAK) Zîlane Vejîn bi wesîleya 4ê Nîsane rojbîyayîşê Rayberê Şarê Kurdî Abdullah Ocalanî û serrgêra 19. ya ronayîşê PJAKî ANFyî rê qisey kerd û ercnayîşê girîngî kerdî.

Qiseykerdişê Zîlane Vejîn ra beşêk wina yo:

''Ez rojbîyayîşê Rayber Apoyî fîraz kena. Şexsê dayîke Uveyşe de pêro dadîyan rê na roje fîraz kena. Bîyayîşê Rayber Apoyî seba kurdan, şaranê bindestan, şaranê ke têkoşînê azadîye kenê roja ganîbîyayîşî ya. Bîyayîşê Rayber Apoyî reyde kurdî wayîrê nasname û kulturê xo bîyî. No têkoşîn 50 serrî yo dewam keno. Rayber Apo estbîyayîşê şaran o. Rayber Apo nêmeyê emrê xo zîndan de mend la uca de zî seba şarê xo têkoşîn kerd. Ma zî rêçê ey ser de têkoşînî rê dewam kenê.

Hetê bînî PJAK zî ho keweno serrgêra xo ya 19. Ma xêrê keda şehîdan ra resayî nê rojan. Şarê Rojhelatê Kurdîstanî pê bawerî û hêz şehîdan têkoşîn keno. Seba ke na roje rojbîyayîşê Rayberîye bi PJAK zî na roje ronîya ke PJAKî bingeyê rêxistin, têkoşîn û xoverdayîşê xo Rayber Apoyî ra girewto. Nika ma nê têkoşînî de 18 serrî xo pey de verdayî. Heta nika ma çita vist dest xêrê xeta Apogîre ra vist destî. Ma nîjadperestîye qebul nêkerde, xeta neteweya demokratîke ya Rayberîye xo rê kerde esas. Şarê kurdî yê Rojhelatê Kurdîstanî estbîyayîşê xo Rayberîye de dî. Coka perwerîya xo bi têkoşînî mojnaye.

PJAKî şarî reyde xo kerd yew, xebatê xo îdare kerdî û destkewteyê xo vistî destî. Ewro komelê ma têkoşînêkê huqûqî û demokratîkî keno. Rejîmê Îranî tim şarê ma rê îşkence, kiştiş û vêşanîye ferz kerdî. Ganî ma Rojhelatê Kurdîstanî de pêro meseleyan çareser bikerê. Seba vurnayîşê nê sîstemî destê ma ra çi bêro ma do bikerê û têkoşînê xo rê dewam bikerê. Ma ked û têkoşînê şehîdanê xo bi caardişê mesuldarîyanê xo tacîdar bikerê.

Ma reyna rojbîyayîşê Rayber Apoyî û roja ronîyayîşê PJAKî fîraz kenê. Rixmo ke dişmenî nêwaşt ke şar sey girseyan Newroze fîraz bikero şarê ma vejîya waran û Newroze fîraz kerde. Ma venga şarê xo danê ke bi ruhê Newroze 4ê Nîsane pêşwazî û fîraz bikero.''