Mi koyê Zapî de ver bi Şikefta Birîndarî şîyêne. Mi vengê di gerîlayan ê cinîyan eşnawit û ez ver bi înan şîya. Wird gerîlayî hem taştî kerdêne hem zî verê çirikî de awa serdine şimitêne. Mi bi kelecanî selam da gerîlaya Avesta û Jîyane. Xoşebere ra dima ez pê hesîyaya ke ê keryeya ma ya diyîne yê.

Mi persa ke hela bîne înan kamyew deyîre vatêne. Gerîla Jîyane hêverî tay şermayena la dima deyîra kurdkî ya bi nameyê 'Yan mirin yan Dîyarbekîr' kameraya mi rê vana.

Gerîla Jîyane bi şermî la zerrî ra cewab dana persanê mi. Gerîla Jîyane Koçer wina qala koyanê azadîye kena: ''Ez Botan de mîyanê keyeyê koçeran de bîya pîk. Mi ge ge gerîlayî dîyêne. Tewirê înan, embazîya înan tim bala mi antêne. Înan hîkayeyê koyanê Botanî ma rê vatêne. Mi cuya înan zaf meraq kerdêne û waştêne ke înan reyde bimana. Ez serra 2014î de tewra têkoşînî bîya. Mi embazîya PKKyî, tarîxê Kurdîstan, dinya û PKKyî nê koyan da şinasnayî. Yanî mi xo koyan de şinasna.

Mi nêzanayêne senî biwana û binusa. Koyan de embazan musna mi. Her ke mi îdeolojîya Rayber Apoyî fam kerde mi hende têkoşînî ra hes kerd. Wexto ke ma keye de bîyî leşkeran tim zulmê hemwelatîyan kerdêne. Mi bi îdeolojîya Rayber Apoyî pêro tersê xo çin kerdî. Hînî ez çewî ra nêtersena. Ez sey yew gerîlaya cinîye hêzê xo vînena û zanena ke seba çita şer kena. Gerîlayî vera gemarinîya sîstemî koyan de rewşa tewr pake ya raştîye ciwîyenê. ''

Gerîla Jîyana ke bi qerardarî û perwerîya xo embazanê xo rê zaf tesîr kerd, bîye gerîla û fermandarêka raybere. Embaze Jîyana ke bi pratîkîya xo zî şinasîyena, gerîlatîya newîye xo rê esas gêna û wazena xo tim aver bera.