Bi wesîlaya serrgêra 21. ya Komployê Mîyanneteweyî ya 15ê Sibate ya verê Rayberê Şarê Kurdî Abdullah Ocalanî ma do vîrameyîşanê kesayetanê Başûrê Kurdîstanî Ocalan reyde pare bikerê. Înan ra yew zî sîyasetmedar Mihemed Emîn Pencewîn o.
Peynîya serra 1989î ra heta serra 1994î komêka sîyasetmedaran, hunermendan, çalakîkeran, nuştoxan û roşnvîran ê Başûrê Kurdîstanî Rayberê Şarê Kurdî abdullah Ocalanî zîyaret kerd û ANF rê qala vîrameyîşanê xo yê bi Ocalanî kerde. Înan ra yew zî sîyasetmedar Mihemed Emîn Pêncewînî yo.
Vîrameyîşêkê Pencewînî yê bi Rayberê Şarê Kurdî Abdullah Ocalanî ra qismêk wina yo:
''Ez Kampa Bekaa de mendêne (adara 1993î) embazan ez berdaa hetê Rayberîye. Nêzdîyê 15 rojan hetê Rayberî de menda û embaz Cuma zî uca de bi. Dima Embaz Cuma xo amelîyat kerdbi. Embazî ameyêne û Rayber înan rê qala partîye kerdêne. Rojêke Rayber ame û mi ra persa ke ez çi wazena. Mi zî vat ez wazena şora Ewropa ke çend nêweşîyê mi estê û ez wazena bêra weşkerdene. Mi vat Ewropa de zî çi destê mi ra bêro ez do seba partîye bikera. Rayberî mi ra persa va ke eke ez şora Ewropa ez do reyna bişima. Mi vat ke ez zuran nêkena û ez do bişima. Rayberî vat hînî ti zanenî. Dima Rayberîye venga mêrikêk kerd û ez erşawita Almanya.''
