Gerîlayanê YJA Starî ra Xemlîne Kobanê da zanayene ke, ê do rayîrê Vîyane Soran esas bigîrê û hemverê her tewir hêrîşan de şer bikerê û xo bipawê.

Fermandaranê YJA Starî ra Vîyane Sorane (Leyla Waylî Huseyn), vera komployo ke vera Rayber Apoyî ameya kerdene, 2ê sibate 2006î de Heftanîn de bedenê xo dabî veşnayene. Serrgêra 17ine de Gerîlayanê YJA Starî ra Xemlîne Kobanê ANFyî rê qisey kerd.

A vernîya ma de bîye rayîrêk

Xemlîne da zanayene ke Fermandare Vîyane Soran vernîya înan de bîya rayîrêk û wina vat, ‘‘Komployê cîya-cîyayî hema zî dewam bikerê zî hemverê ci de her tewir xoverdayîşêko gird yeno kerdene. Avaşîn, Metîna û Zapî de performansê gerîlayan da mojnayene ke peynîya komployî se bena û da zananeye ke azadîya Rayberê ma yê fîzîkîye zî do bêro caardene.

Înan rê koyanê Kurdîstanî ra rehetîye çin a

Dewleta tirke ya îşxalkere hemverê xoverdayîşê gerîlayan de kismî zî bibo mecbûr mende ke apey şêra. Bi çekanê NATOyî yê raverşîyayoxan wazena bawerîya ma bişikna, la no bêro zanayene ke îddîa û bawerîya ma çekanê înan ra xurtêr a. Se beno wa bibo, ma do teqez nêverdê ke ê koyanê Kurdîstanî ra rehet biciwîyê. Ma do hemverê her tewir hêrîşan de xo bipawê û şer bikerê. No, do heta azadîya fîzîkîye ya Rayberê ma û azadîya welatê ma dewam bikero.’’