Merkezê RJAKyî yê Kerkûkî de bi merasîmêkî Fermandara YJA Starî Vîyane Sorana ke hemverê Komployê Mîyannetewî yê 15ê Sibate yê vera Rayberê Şarê Kurdî Abdullah Ocalanî de çalakîya fedayî kerdbî, ameye vîrardene.
Têgêrayîşê Cinîyan ê Azadan ê Kurdîstanî (RJAK)merkezê xo yê Kerkûkî de bi merasîmêkî Fermandara YJA Starî Vîyane Soran (Leyla Walî Husên) ya ke şewa 1ê sibate 2006î de vera komployê 15ê sibate çalakîyêka fedayî kerde û xo veşnaybî, yad kerd.
Merasîmî de ciwanî, çalakwanê sîyasî yê bajarî yê cinîyan cayê xo girewtî û çalakî bi rêzgirewtişî dest pêkerd. Merasîmî de mektubê Şehîde Vîyane Soran (Leyla Walî Husên) hetê embaza aye Endama Meclîsê RJAKî Jîno Reşîde ra ame wendene.
Jîno bale ante têkoşîn û kesayetê şorişgêr û xoverdayox Şehîde Vîyane Soran ser o û vat serra 2006î de Heftenînî de hemverê Komployê 15ê Sibata 1999î de şehîd kewte.
Qiseykerdişî ra dima bi sînevîzyonêkî cuye û têkoşînê Şehîde Vîyane Soran ame temaşekerdene.
