Komalanê Cinîyan ê Ciwanan (KJC) û Komelanê Ciwanan (KC) bi eşkerayîyêke venga ciwanan da ke wayîrê hemleya KCKyî vejîyê. 

Vengdayîş wina yo:

''Dewleta tirke ya îşxalkere û hemkarê ci her ke şono tecrîdê vera Rayber Apoyî kenê giranêr. Şexsê Rayber Apoyî de wazenê kurdan qir bikerê. Netîceya na polîtîka de tecawuz, qirkerdiş, hêrişê faşîstî, tepiştiş û tedayî yenê kerdene. KCKyî 12ê êlule de serrgêra Darbeya Cunta de hemleyêke îlan kerde. Ma venga pêro ciwanan û şarê xo danê ke paştî bidê na hemle. Tewirê Apogîranê Zîndanê Dîyarbekîrî do bibê perspektîfê ma yê seba na hemle ke xoverdayoxê Zîndanê Dîyarbekîrî Alî Çîçekî vatêne: 'Ma PKKyî ra teslîmîyet nê xoverdayîş musa.' Sey ciwananê Kurdîstanî seba ke hemle ser bikewa ma do wezîfeyê xo yê rayberîye bîyarê ca. Nê esasî ser o sere de ciwanê Kurdîstanî û cinîyê Kurdîstanî ma venga pêro  ciwanan ê sosyalîst, çegîr, demokratîkan danê ke bibê wayîrê hemleya 'Tecrîd, Faşîzm, Îşxalî rê nê; Wext Wextê Azadîye yo' ya KCKyî û îqtîdarê faşîstî AKP-MHPyî ra hesab bipersê.''