Platformê Şûbeyanê Mûşî yê Konfederasyonê Sendîkayanê Kedkeran (KESK) û Baroyê Mûşî  bi tewrbîyayîşî ronayaxonê Weqfê Haştîye yê Tirkîye waşt ke bajar de panelê  ‘’Wextanê çetinan de waştişê haştîye’’ virazê la Walîtîye destûr nêda.

KESK'î  bi eşkerayîyêk vera naye reaksîyon da û nê vatî: ‘’Panelo ke cayo qefilnaye de yeno kerdene qey destûr ci nêdîyeno?  Ganî kesêk qiseykerdişê haştîye ra nêrehet nêbo. Ma semedê hewcedarîya haştîya cimaktî waşt ke nê panelî virazê la walîtîye muracatê ma red kerd. Ma timûtim bi qedexeyan rî bi rî yê. Walîyê Mûşî tîya caardişêko cîya bica ano. 1’ê Gulane de zî her ca de destûr estbi la tîya qedexe bi. Ganî Walîtîya Mûşî tewirê xo yê vera aktîvîteyanê demokratîkan bibedilno.’’