Walîyê bajarê Silêmanî yê Başûrê Kurdîstanî Heval Abubekirî derheqê hêrişê îşxalî yê dewleta tirke yê vera Başûrê Kurdîstanî û tewirê kurdan ê vera şerî de ANFyî rê qisey kerd.

Heval Ebubekirî ard ziwan ke konjonkturê dinya de  verê Tirkîya de di vîjnayêkî est ê, yew haştîye yew zî şer o û nê vatî:  “Fîkrê kurdan ganî nê wird babetan de zî bibo û vajê, 'Ma şer de nîyê, ma tim xo pawenê.'  Ma ganî serê vîjnayekê haştîye û dîyalogî de bixebitê, çunke rayîro raşt no yo. Kurdî Rojhelatê Mîyanênî de tim parçeyê çareserî yê, parçeyê problem, pêkewtiş û şeran nîyê. 

Kurdî ganî verî problamanê mîyanê xo çareser bikerê. Şer û pêkewtişanê herême ra biremê û haştîye, îstîkrar û ekonomîya herêma xo bipawê.  Kurdî hem ewro hem zî siba semedê îstîkar û ekonomîya herême  muhîm ê. Sey Walîyê Silemanî ma Konsolosxaneyê Tirkîya û Wezîrîya Karanê Teberî yê Tirkîya ra vat ke çar bombardumanê peyênan de sîvîlî ameyî qetilkerdene û warê sîvîlan dîyayî bombayan ver. Ez hêvî kena ke kurdî sey problem û tehdît nê sey parçeyê çareserî yenê vînayene.”