Qezaya Pulirî ya Dêrsimî de rixmê nêrazîbîyayîşê şarî zî Çimeyanê Munzurî de seba rantî gamê verênî ameyî eştene. Vizêr wesayîtê zirxînî dekewtî çimeyan û înan dezgehê esnafan wedaritî. 

Walîyê Dêrsimî Mehmet Alî Ozkanî vera nêrazîbîyayîşanê şarî eşkerayîyêke kerde. Walîyî eşkerayîye de şarê Dêrsimî kerd hedef û wina da hesibnayene ke seke şarê Dêrsimî Çimeyanê Munzurî seba menfaatanê xo xebitneno. 

Walîyî eşkerayîya xo de îdîa kerd ke ê seba ke Çimeyanê Muznurî 'bipawê' proje danê destpêkerdene û eke wina nêbo lêşinîya Çimeyanê Munzurî zêdîyena. Walîyî vat ke xeberê ke bi rayîrê medyaya komelkîye vila benê zûr ê û nê xeberan hetê kesan ra ke wazenê Dêrsim û Çimeyanê Munzurî seba menfaatanê xo bixebitnê yenê vila kerdene.