Banê qeza yê HDP’yî de xeylî kesê ameyî têhet û eşkerayîye daye. Merdimê girewteyan, endamê HDP û DBP’yî û temsîlkarê dezgehan tewrê eşkerayîye bîyî.

Parlementera Wanî ya HDP’yî Mûazzez Orhane eşkerayîye de bale ante serê çalakîya Leyla Guven a ke 155 rojî grevê vêşanîye de ya. Orhane da zanayene ke ê do dest bi grevê vêşanîye yê 3 rojan bikerê û vat , “Ma vengdayîş bi selahîyetdaran kenê. Tecrîd sûcêkê merdimîye yo. Seba balantişê tecrîdî 7 kesan cuya xo daye, selahîyetdarê dewlete hîna zî nêwazenê gamêk bierzê. Ma vengdayîş bi heme hêzanê demokratîk û kesanê cimatî kenê ke wa goş bidê nê qîrayîşan ser û seba wedaritişê tecrîdî wa bikewê mîyanê têgêrayîşî. Eşkerayîye ra dima 7 kesan bi verbendikanê “Wa tecrîd bêro wedaritene û Leyla biciwîyo” dest bi grevê vêşanîye yê 3 rojan kerd.