Gruba bi nameyê “Yewîyê Qesasî yê Şehîd Zamanî û Şehîd Sêvê" netîceyê çalakîyanê ke mabênê 21-26'ê Nîsane de viraşte, eşkera kerdî.

Grube da zanayene, roja 21'ê Nîsane înan bombaya bivenge eşta keyeyê kesê bi nameyê "M.T."î  yo ke hemkarê AKP’yî yo û netîceyê çalakîye de ziraro madî dayo keyeyê ey şexsî.

Eşkerayîye de ame vatene, “Şewa 23'ê Nîsane Kuçeyê Demokrasî yê qezaya Tuşbayî ya Wanî de, bi bombaya biveng a ke ameya xurtkerdene vera polîsanê hêrişkaran çalakîye ameye viraştene. Netîceya çalakîye zelal nêbîye.”

Derheqê di çalakîyanê bînan de zî eşkerayîye de ame vatene, “Şanê 24'ê Nîsane taxa Sixkê ya qezaya Rêya Armûşê ya Wanî de kuçeyo ke zafêrê ci qorîcîyê dewleta Tirk a îşxalkere yê, di bombayê bivengî ameyî teqnayene.

Şanê 26'ê Nîsane yewîyanê ma taxa Şehîd Firatî de rayîrî trafîkî rê qefilna û vera polîsanê Tirkî yê îşxalkerî bi bombaya bivenge û fîşekanê hewayîyan çalakîye viraşte. Çalakîye de dişmenî bî birîndar labelê hûmara ci nêameye tespîtkerdene.”