Wan de seba ke vewre çend roja varaye cuye vinderte. Vewre pêro rayîrê taxe û kuçeyan girewtî. Miks de vewrêsî ra 41 kesî merdî.
Qeyûmê Wanî M. Emîn Bîlmezî îdîa kerd ke ê seba wedaritişê vewre 9 mîlyon TL xerc kerd. La verê dibistanan hema zî vewre ra padaye yê.
Mudirîyetê Qezaya Rêya Armûşî yê Wanî mudiranê dibistanan û mamostayan rê nuşteyêk erşawit û pare kerd ke seba pakîkerdişê vewra meydanî kepçe berşawe û mudir û mamostayan ra zî waşt ke heqê sotemenîya makîneyan bidê. Nuşte de her mamosta ra 150 TL yeno waştene.
Serekê Şubeyê Wanî yê Egitim-Senî Bedrî Yamaçî eşkera kerd ke pereyo ke mamostayan ra yeno arêdayene qanûnî nîyo. Yamaçî vat: ''Bi nameyê Egitim-Senî ma naye qebul nêkenê. Kes mecbur nîyo ke nê pereyî bido la mobîng kenê. Binê nê serebûtî de rewşêka balkêşe esta. Ma cigêrayîşê xo kenê û nêzdî de rayaumûmîye reyde pare bikerê.''