Polîsan hêrişê mîtîngê kurdkî kerd, şarî pê deyîranê kurdkî cewab da
Wan de HDPyî semedê kurdkî mîtîngêk organîze kerd la polîsan destûrê ci nêda. Polîsan hêrişê şarî kerd, şarî pê deyîranê kurdkî cewab da.
Şarê Wanî semedê mîtîngê ziwanê kurdkî saetanê serê sibayî de verê banê HDPyî de ame pêser. Polîsan hêrişê şarî kerd.
Şarî waşt verê banê HDPyî ra ver bi Parka Haştîye ya Mûsa Atnerî rayra şiro la raştê hêrişê polîsan ame. Hemserekê Pêroyî yê DBPyî Keskîn Bayindir û parlamenerê HDPyî zî tede bi hezaran kesan bi deyîranê kurdkî dest pê çalakîya roniştişî kerde.
