Goreyê zanayîşanê ke ameyî girewtene herêma Narlica ya corêne ya ka mebênê qezayanê Seray û Şaxî yê Wanî de ya de cemê şanî vewrês gina war. Netîceya vewrêsî de mînîbusêka raywanan, taksîyêk û makîneyêka karî binê vewre de mendê. 18 kesan ra xebere nîna girewtene. Semedê xelisnayîşê kesanê ke binê vewre de yê xebatî yenê rayraberdene. Dewanê derûdorî ra zî dewijî semedê paştdayîşî ameyî pêser.

Mînîbuse Qeza Kerd 14 Wendekarî Birîndar ê

Hetê bînî ra mînîbusa wendekaran nêzdîyê dewa Kozluca ya Wanî de seba ke rayîr cemidyayo xij bîye û dima ra lêr bîyê. Netîceya qeza de 14 Wendakarî  birîndar bîyî. Birîndarî ameyî berdene Nêweşxaneyê Dewlete. Ame vatene ke rewşa telebeyan baş a.