Wanî de 26ê kanûne de polîsan eşt keyeyan ser û 20 ciwanî destbend kerdî. Nê ciwanan ra 5 tenî ameyî tepiştene.

20 ciwanê ke bi îdîayanê ''propagandaya rêxistine'', ''endamîya rêxistine'' ameyî destbendkerdene vizêr ameyî berdene bi Edlîye. 20 ciwanan ra ke îfadeyê xo dayî dozderîye 15ê înan bi waştişê şertê kontrolê edlîyî verdayîşî û 5ê înan zî bi waştişê tepiştişî sewqê mehkeme bîyî. 15 ciwanî mehkeme de ameyî veradayene. Ciwanê bi nameyanê Îzzet Işik, Nîhat Işik, Hazar Dayan, Harun Boga û Ferhat Arslanogayî zî ameyî tepiştene.

5 ciwanê ke ameyî tepiştene ameyî berdene bi Zindanê Girewte yê Tîpê Tyî yê Wanî.