Wendekara Zanîngehê Artukluyî Zeynepe Argun Wargehê Wendekaran ê Cinîyan ê Weqfa Dîyanetî ya Tirkîya de bi hawayêkê şikdarî dinyaya xo bedilnaye.

Dîya zanayene ke serebût serê sibayî qewimîya. Ame îdîakerdene ke Aygune paceraya odaya qatê 8. ra kewta war, xo kişto. Aygune dima wedarîyaye nêweşxane la dinyaya xo uca de bedilnaye.

Selahîyetdaranê wargehî derheqê serebûtî de eşkerayîyêke nêdaye. Wendekaran semedo ke serebûtî ra 30 deqayan dima Aygune rê mudaxele ame kerdene û ambulans erey ame nêrazîbîyayîşê xo mojna.

Derheqê serebûtî de zanayîşêko bîn nêame destvistene.

Şîdet û cînayetê vera cinîyan her ke şino zêdîyenê. Goreyê doneyanê dezgehanê cinîyan destpêkê serra 2021î ra nata 252 cinîyî ameyî kiştene.