Hemserekanê Partîya Herêman ê Demokratîkan ê Wanî Gulderene Varli û Çetîn Uyar derheqê grevê vêşanîye yê tepişteyan de ANFyî rê qisey kerd. Hemserekan venga Wezaretê Edaletî da ke waştişê tepişteyan wa bîyaro ca.

Hemsereke Gulderene Varli ard ziwan ke tepişteyî wazenê wa tecrîd wedarîyo û zîndanan de huqûq bêro caardene. Gulderene vat: ''Tecrîd sûcê merdimîye yo. Ganî her kes qîrayîşê tepişteyan bieşnawo û çi hewce keno wa bikero. Ma sey DBP hetê tepişteyan de yê û heta ke tecrîd biqedo ma do têkoşîn bikerê.''

Çetîn Uyarî zî da zanayene ke Rayberê Şarê Kurdî Abdullah Ocalanî 22 serrî yo binê tecrîdî de yo û tecrîd vera beno giranêr. Uyarî vat: ''Tecrîd şexsê Birêz Ocalanî de vera pêro şarî yeno kerdene. Birêz Ocalan tepişteyêko normal nîyo û kurdî tebaxe ra nata tira xebere nêgênê. Ma vera tecrîdî hetê tepişteyan de yê. Ma venga Wezaretê Edaletî danê ke  wa vera tecrîdî têbigêro û waştişanê tepişteyan qebul bikero. Ez zî keyeyêkê tepişteyan ra ya û eke tecrîd wina dewam bikero ez zî do dest pê grevê vêşanîye bikera.''