Wekîlê HDPyî yê Colemêrgî Saît Dedeyî pare kerd derheqê rewş û meseleyanê Colemêrgî de ANFyî rê qisey kerd.

Saît Dedeyî da zanayene ke ê pêro meseleyanê şaristanî benê Meclîsî û vat: ''Cînayetanê serê sînorî ra heta merkezê sûkî, binpaykerdişê heq û azadîyanê bingeyînan, ambargoyê ekonomî, herêmanê qedexekerdeyan zaf meseleyê şaristanî estê. Kurdayetî û xoverdayoxîya şaristanî ra semed zî Colemêrg de zaf meseleyî ciwîyenê. Ma Meclîs de kenê ke nînan rê çareserîyêke bivînê.''

Dedeyî ard ziwan ke semedo ke meseleya kurdan çareser nêbena meseleyê bînî zî çareser nêbenê û vat: ''Sey tecrîdê vera Birêz Ocalanî şarê Colemêrgî zî yeno tecridkerdene. Key tecrîd wedarîyo nê sebebî zî wedarîyenê. Cayê çareserkerdişê meseleya kurdan têna Meclîs nîyo. Ma do her ca de têkoşînê haştîye, edalet û demokrasî bikerê. Ma hem Meclîs de hem zî teberê Meclîsî de têkoşînê xo rê dewam bikerê.''