Werd û dermanê Tirkîya serê DAÎŞijan de ameyî dîyene
Serê 2 DAÎŞijanê ke herêma Mexmûrî de hîrê şiwanî birîndar kerdî û dima hetê gerîlayanê HPGyî yê Mexmûrî ra ameyî kiştene, yelegê bi îmzaya sercergî, mal û dermanê tirkî ameyî dîyene.
Dima ke DAÎŞijê ke hêrişê Mexmûrî kerd ameyî kiştene serê înan de zaf malzemeyî ameyî dîyene.
Cerganê DAÎŞî 2ê sibate de hêrişê Kampa Multecîyan a Şehîd Rustem Cûdîyî ya Mexmûrî kerd. Cergan Koyê Qereçoxî de 3 şîwanî birîndar kerdî û her di cergî dima bi destê gerîlayanê HPGyî ra ameyî kiştene.
Warê şerî û herême de cigêrayîş ame kerdene û netîceya ci de zaf cebilxaneyî, malzemeyî û tay telefonî ameyî dîyene. Malzemeyan mîyan de çente, kincî, erzaqî û derman zî estbî.
Yelegan ser o tay nuşteyî estbî ke nîşan dayêne ke sercergan nê çîyî sey dîyarî dayî cergan. Derman û madeyê werdî yê cergan malê Tirkîya bîyî. Nêame zanayene ke cergan senî mal û dermanê Tirkîya peyda kerdî.
