Xebatkarê rojnameyê Yenî Yaşamî Îbrahîm Karataşo ke 4ê teşrîna peyêne de Adana de amebi destbendkerdene vizêr hetê Hakîmîya Ceza ya Sulhî ra bi îdîaya ''endamîya rêxistine'' ame tepiştene.

Goreyê doneyanê Komeleya Rojnamegeran a Dîcle Firatî (DFG) têna aşma ravêrtîye de 11 rojnamegerî ameyî destbendkerdene û 4ê înan ameyî tepiştene. Goreyê DFGyî 91 rojnamegerî zîndan de yê pîya bi Karakaşî hûmare bîye 92.

Reyna 13 kesê ke 29ê teşrîna verêne de Mêrdîn de ameybî destbendkerdene ra Lokman Findik vizêr ame tepiştene. Vizêr  û perey çarçewa eynî cipersayîş de pêro pîya 7 kesî serbest ameyî veradayana. 5 kesê bînê ke hema nezaret de yê yeno pawitene ke roja dişemeyî vejîyê dozgerîye.