Hemsereka KCD’yî û parlementera HDP’yî ya Colemêrgî Leyla Guven a ke vera tecrîdê girankerdeyî yê serê Rayberê Şarê Kurdî Abdullah Ocalanî 152 rojî yo grevê vêşanîye de ya xelata Îbrahîm Ehmedî ya emserî rê layîk ame dîyayene.
Xelatê ke seba vîrardişê sîyasetmedarê Kurdî û nuştox Îbrahîm Ehmedî yenê vilakerdene, ameyî dayene.
Silêmanî de Salona Tewarî Hunerî 19. de xelatê seba wefayê nuştox û sîyasetmedar Îbrahîm Ehmedî yê serra 2019 bi merasîmêk ameyî vilakerdene. Mîyanê kesanê ke xeletî ameyê dayene de hemsereka KCD’yî û parlementera HDP’yî ya Colemêrgî Leyla Guven a ke vera tecrîdê girankerdeyî yê serê Rayberê Şarê Kurdî Abdullah Ocalanî 153 rojî yo grevê vêşanîye de ya xelata Îbrahîm Ehmedî ya emserî girewte. Xelatî hetê Şanaz Îbrahîm Ehmedî ra ameyî dayene. Herinda Leyla Guvene de hemsereka Temsîlkara HDP’yî ya Başûrê Kurdistanî Muzeyen Guneşe xelate girewte. Muzeyen Guneşe merasîm de peyamê Leyla Guvene pêşkêş kerd.
