Roniştoxê Şingalî vera peymana PDK-Iraqî ya serê Şingalî pîya wayîrê Asayîşê Êzidxanî û hêzanê xo yê pawitişî vejîyenê. Şingalijî 24 rojan ra nata verê Asayîşê Êzidxanî de xeyme de çalakîya nobete kenê.

Çalakîye  bi şîarê 'Ma pêro asayîş ê' dîyaye destpêkerdene. Şarê Şingalî kome bi kome tewrê çalakîye beno.  Qeza û bajarekanê Şingalî ra her roje xeylêk kesî û temsîlkarê meclîs û dezgehê Şingalî xeyma çalakîye zîyaret kenê û tewrê çalakîye benê.

Çalakîkerî binê xeyme de heta serê sibayî nobete gênê. Çalakîye bi zîyaretanê şarê herême dewam kena.

Şarê Şingalî wazeno ke Asayîşê Êzidxanî û xoserîya Şingalî bi hawayêkê fermî bişinasîyê.

Ewro zî Xanêsorî ra xeylêk kesî tewrê çalakîye bîyî. Înan ra Hecî Kulîyî pare kerd ke Asayîş seba înan estbîyayîş o û vat: ''Hema zî vera êzidîyan planê gemarinî yenê kerdene. Coka ganî ma hîşyar bibê.''