Gerîlayanê HPGyî yê Cengê Xabûrî ra Dijraber Amedî hêrişê îşxalî yê dewleta tirke û têkoşînê gerîlayan ercnayî. 

Gerîla Dijraber Amedî vat: ''Kurdîstan de şerêko pîl qewimîyeno û no şer seba pêro merdimîye girîng o. Ma raştîya dişmenî zanenê. Ma têkoşîn, kulturê xoverdayîşî raştîya Rayberîye ra yenê. Ma pê ruhê fedayî şer kenê. No ruh Mamreşo de vejîya werte. Ruhê şerê fedayî yo Apogîr uca de resa asta tewr pîle. Zendûra de vera embazan çeka kîmyewî şuxilîyena la embazê mîyanê têkoşînê pîlî de yê. Dewleta tirke vera xoverdayîş û têkoşînê gerîlayan de bêçare mende.

Şero ke herême de yeno kerdene pê felsefeya Rayberîye resa asta tewr berze. Hêzê dewleta tirke nêeşkenê vera gerîlayan şer bikerê. Embazî her roje vera dişmenî çalakîyan kenê. Dişmen hetê psîkolojîkî ra qedîya. Na rewşe pê xoverdayîşê Bazanê Zagrosî û Cengê Xabûrî pîl beno. No şer beno ke bi serran dewam bikero. No şer mabênê di sîsteman de yo. Ganî her kes ney baş fam bikero. Dewleta tirke ya kolonyalîste nêvana no PKK yo yan zî PDK yo. Pê metodanê cîyayan vera kurdan şer kena. Dewleta tirke do nêeşka vera  ma ser bikewa. Gerîlayî do serkewtişî bîyarê ca.