Roniştoxê Şingalî vera peymana PDK-Iraqî ya serê Şingalî pîya wayîrê Asayîşê Êzidxanî û hêzanê xo yê pawitişî vejîyenê. Şingalijî 26 rojan ra nata verê Asayîşê Êzidxanî de xeyme de bi şîarê 'Ma pêro asayîş ê' çalakîya nobete kenê.

Qeza û bajarekanê Şingalî ra her roje xeylêk kesî û temsîlkarê meclîs û dezgehê Şingalî xeyma çalakîye zîyaret kenê û tewrê çalakîye benê. Şarê Şingalî wazeno ke Asayîşê Êzidxanî û xoserîya Şingalî bi hawayêkê fermî bişinasîyê.

Vizêr rayraşîyayîşê şingalijan de hêzanê çekdaran ê Iraqî hêrişê çalakîkeran kerd. Hêzan waşt ke xeyme cêra bikerê la çalakîkeran no qebul nêkerd.

Komêka çalakîkera verê berê Merkezê Asayîşê Êzidxanî de beşêk zî dormeyê xeyme de adir vist ta û heta serê sibayî nobete girewte.

Ciwanê bi nameyê Bawerî venga pêro ciwanan da ke paştî bidê çalakîye da zanayene ke heta ke waştişê înan bêrê qebulkerdene ê do çalakîya xo dewam bikerê.