Merkezê Îrtîbatî û Çepemenîye yê HPGyî derheqê îşxalê vera Garê û xoverdayîşê gerîlayan de eşkerayîye daye û nê pare kerdî:

''Ma verî dabi zanayene ke artêşa tirke ya îşxalkere 10ê sibate de saet 03:00 de hêrişê xeylêk waranê herêma Garê kerd. Bombardumanê giranî kerdî û pê helîkopteran warê Sîyanê de leşkerî ardî war. Pêkewtişê ke binê înîsîyatîfê hêzanê ma de bî qewimîyayî.

10ê sibate de saete 05: 00 de îşxalkerê ke warê Sîyanê de ameyî cakerdene mabênê înan û hêzanêma de tebasî qewimîyayî. Hêzanê bi hewayêkê bitesîrî da îşxalkeran ro, xeylêk îşxalkerî ameyî cezakerdene û xeylêk zî birîndar bîyî. Îşxalkeranê ke derb girewt gamêke peyser ancîyayî. Warê pêkewtişan, herême û kampêke hetê teyarayanê şerî ra ameyî bombardumankerdene. Îşxakerê ke badê bombardumanî ameyî têhet reyna hetê hêzanê ma ra ameyî pirodayene. Tîya bi desan îşxlakerî ameyî cazakerdene. Îşxalkeranê ke derba girane girewte mecbur mendî ke peyser agêrê.

Badê saetanê nêmroje artêşa tirke cayê pêkewtişan pê 6 teyarayanê şerî bombarduman kerd.  Dima ra dişmenî waşt ke pê helîkopteran eynî ca reyna bombarduman bikero la hêzanê mudaxale kerd, helîkoperî peyser agêrayî.

Warê Sîyanê de 10ê sibatî ra nata pêkewtişî dewam kenê. Eynî wext serê warê Garê de bêmabên teyareyê keşîfî gêrenê. 11ê sibate de herêma Garê  de warê Sêdarê yê 6 rey warê Nêranê 5 rey, dormeyê dewanê Museleka, Bilindbazê û Şkeftîyanî 9 rey ame bombardumankerdene. Reyna eynî roje saetanê şanî ra nata xeta Akrê-Sîyanê  û heraê Qela Seddamî de têgêrayîşê helîkopteranê skorskyan esto.

Hêzê dişmenî xeta Ergenê û Sîyanê de ameyî cakerdene ke erazî ra vila bê. Xeylêk waranê Garê de waşt bi xo ca bikerê la hêzanê ma destûrê înan nêda. Hêrişê artêşa tirke yê vera Garê vera xoverdayîşê gerîlayanê Têgêrayîşê Azadîye yê Kurdîstanî bin kewt. Artêşa tirka ke vera xoverdayîşê gerîlayanê ma de bêçare mende zor dayo teknîkê şerî. Bêmabên herême bombarduman kenê. La hêzê ma pê taktîkanê gerîlayê demê neweyî teknîkê înan pûç vejeno. Artêşa tirke rixmê heme îmkananê xo yê teknîkîyan vera îradeyê Apoyîyî yê gerîlayan o pêtî de netîce nêgirewete.

Eşkerayîya Wezîrîya Pawitişî yê Tirkî ya derheqê Garê bi temamî zûr a. Şarî xapînenê. Pêkewtişan de tewr tay 30 leşkerê artêşa tirke ameyî cezakerdene. Hûmara gerîlayan a ke înan daye xelet a. Ma do demo kilm de nameyan eşkera bikerê.

Ma eşkera nêzanê ke hêzê PDKyî tewrê operasyonî bîyî ya ney. Zanayîşê derheqê nayî de raşt nîyê. La leşkerê tirkî û helîkopterê ke hêrişê Garê kenê Şirnaxî ra şawiyenê baregehê Başîka ûca ra serê bajarekê Bakirmanî yê qeza Akrê ra yenê Garê.  Vera nayî nêrazîbîyayîşê PDKyî zî nêame vînayene.

Hukmatê şerê taybetî ke pê zûran şarî xapîneno seba ke Garê de derbê pîlî werdî pê zûran xo sey serkewteyî ramojeno. Fotografê kesê binameyê Îbrahîm Parimi pare kerdî û vat 'berpirsîyarê lojîstîkî yê PKKyî pê operayonêkê MÎTî ameyo tepiştene.' La no keso bi nameyê Îbrahîm Parimî xeylêk wext verê cu partîya ma ra ame durîfînayene û dima ra teslîmê dişmenî bi. Xeberê medyaya şerê taybetî yê tirkî raşt nîyê. Ê şerê psîkolîkî rayra benê, propagandaya qere kenê.

11ê sibate de saetanê şewe de warê Kolîtî yê herêma Xakurkê hetê teyarayanê şerî ra ame bombardumankerdene.''