Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî.

Hemleya Şorişgêre ya Bazanê Zagrosî

''25ê teşrîna verêne de hîrê helîkopterê ke  warê Tîpa Tyî yê herêma Zapî ra ravêrtêne warê Banista yê herêma Avaşînî hetê hêzanê ma ra ameyî pirodayene. Netîceya pirodayîşê bitesrî yê hêzanê ma de helîkopterêkê bi tîpê Skorsky ame derbkerdene û helîkopterê bînî peyser ancîyayî. Na çalakîya serkewtîye semedê yadkerdişê fermandara ma ya bêmerge Şehîde Bêrîtane (Gulnaze Karataş) ameye kerdene.

Warê Xoverdayîşî yê Girê Kartalî û Werxelê

Waranê Xoverdayîşî yê Girê Kartalî û Werxelê de operasyonê artêşa tirke û xoverdayîşê hêzanê ma bêmabên dewam keno. Girê Kartalî  de şer û pêkewtîşî herêma  hîra de vila  bîyî û bi heme şîdetê xo dewam kenê. Pêkewtişî Girê Kartalî ra ver bi warê Stûnê hîra bîyî. 25ê teşrîna verêne de artêşa tirke bi wesayîtêkê madeyê teqayîşî û kamare barkerdebî waşt hêrişê Warê Xoverdayîşî yê Girê Kartalî bikere. Xoverdayoxanê Kartalî no wesayît îmha kerd. Îşxalkerê ke vera Warê Xoverdayîşî yê Kartalî şîyênî hetê hêzanê ma ra hîrê rey ameyî pirodayene. Îşxalkerê ke nêeşkeyî aver şirê pê madayanê teqnayîş û çekanê kîmyewîyan çend rey pêser hêriş kerd. Reyna tîya yew dron zî hetê hêzanê ma ra ame îmhakerdene. Eynî roje Warê Xoverdayîşî yê Werxelê zî pê çekanê giranan dîya bombayan ver.

Hetê bînî ra Girê Şehîd Hawarî yê warê Goşine yê herêma Xakurkê zî pê teyarayanê şerî ame pirodayene.''