Xoverdayîşê gerîlayan ê vera îşxalê dewleta tirke yê serê Başûrê Kurdîstanî hetê roniştoxanê Başûrî ra sey xoverdayîşêkê fîraz û girîngî pênase beno. Roniştoxê qezaya Mexmûrî Ebdurrehman Ebid Xaliqî derheqê babete de ANFyî rê qisey kerd.

Xaliqî îfade kerdke rewşa Başûrî xiran a û sebebê naye zî sîyasetê hukmatî yo. Xaliqî vat: ''Xeletîya referandumî ra xeylêk herêmî destê Başûrî ra vejîyayî. Nika zî PDK waştişê Tirkîya ser o Kampa Şehîd Rûstem Cûdîyî ser o ambargo keno. Tirkîya seba petrolî hêrişê Lîbya, Somalî, Kurdîstan û Sûrîye kena.Tirkîya bi çekanê fosforî domananê ma kişena. Rixmê nê kerdişan zî hukmatê herêma Kurdîstanî petrolê xo dano Tirkîya.''

Xaliqî bale ante alozîya mabênê PKK û PDKyî ser û vat: ''Tay kesî wazenê ke partîyê Başûrî vera PKKyî şer bikerê. Ma la ney nêwazenê û qet qebul nêkenê. Nika zî ê wazenê Qendîl bidê destê DAÎŞî. Qendîl ruh û pawitişê kurdan o. Dewleta tirke wazena pêro Başûr îşxal bikera. La xoverdayîşê gerîlayanê PKKyî yê vera îşxalî seba kurdan sereberzî ya û ez înan zerrî û canî ra fîraz kena. Ez venga pêro kurdan dana ke kongreya neteweyîye serûber bikerê û bêrê yewca.''