Gerîlayê HPGyî Redûr Agirî derheqê beşdarîya xo ya PKKyî de qisey kerd.

Rêdûr Agirî vat: ''Ez Minbicî ra ya. Mi serra 2016î de têgêrayîş şinasna. Wextê hemleya Minbicî de ez tewra embazan bîya. Ez vera DAÎŞî hêrsbîyaye bîya. Seba ke ez înan ra qesasê xo bigêra tewrê embazan bîya. Dima ke mi  têgêrayîş hol şinasna bire daye û ez ameya koyanê Kurdîstanî. Verî mi tay kitabê Rayber Apoyî wendî û mi o şinasna. Ey zaf mi rê tesîr kerd. Mi zêdêr cu, felsefe û fikrê ey meraq kerd. 

Rojê verênî yê gerîlatîye zehmet bibî. Bi hetkarîya embazan ez zaf çîyan musaya. Wexto ke merdim zehmetîyan de têrî bimano cuya raştikêne museno.Ez bi fikr, felsefeya Rayber Apoyî, Şorişê Rojawanî şîyar bîya.

Şorişê Rojawanî ra dima neteweyî pîya ciwîyenê. No pê têgêrayîşê PKKyî mumkîn bi. Şoriş têna pê yewîya şaran mumkîn o. Hêzê îşxalkerî her roje hêrişê herêma ma kenê la PKK verê înan gêno. Nika ma wazenê bi fikr û felsefeya Rayber Apoyî gerîlatî û rayberîya komelî  bikerê. Rojawan seba çarenusê xo ho xo ver dano.''