Xoverdayîşê vera faşîzmê AKP-MHP’yî qirkerdişan rê cewab o

KCK: Xoverdayîşê vera faşîzmê AKP-MHP’yî heman wextî de faşîzmê 12’ê Adare û qirkerdişanê 16’ê Adare yê wendekaran û Gazî rê cewab o.

Hemserekîya Konseya Rayberdişî ya KCK’yî bi wesîleya serrgêra qirkerdişanê Gazî, Qamişlo û Halepçe eşkerayîyêka nuştekîye daye.

KCK’yî sere de kesê ke nê qirkerdişan de cuya xo vîndî kerdî, bi nimet yad kerdî û va: Bingehê faşîzmê AKP-MHP’yî xora bi derbeyê 12’ê Adare ameyo eştene. Xoverdayîşo ke ewro Kurdistan û Tirkîya de yeno domnayene, xoverdayîşo ke a roje ra heta ewro vera faşîzmî bi girdbîyayîşî diyeno   o yo. No xoverdayîş ganî bi  ruhê xoverdayîşê Denîz, Mahîr û Îbrahîm Kaypakkayayan ê bingehê way-biratîya şaran hîna bêro xurtkeredene.

Qetlîamê 12’ê Adere yê Gazî zî vera mucadeleyo hempar ê Kurdan û Tirkan de ame viraştene. No zîhnîyet ewro bi îtîfaqê AKP- MHP’yî xo ramojneno. Coka xoverdayîşê vera faşîzmê AKP-MHP’yî  heman wextî de faşîzmê 12’ê Adare û qirkerdişanê  16’ê Adare yê wendekaran û Gazî rê cewab o. Zîhnîyeto ke qirkerdişê Halepçeyî kerd ewro îqtîdarê Tirkîya yo. Qirkerdişê Halepçe û Efrînî hetê heman zîhnîyetî ra ameyî viraştene. Aye ra ewro cevabê qirkerdişê Halepçe bi mucadeleyê xelisnayîşê Efrînî beno.

Qirkerdişê 12’ê Adar a 2004 ê Qamişlo zî Tirkîya û Sûrîya çarçeweya Protokolê Edene de pîya viraşt. Gama ke Rayber Apo semedê way-biratîya Ereban û Kurdan têgêrayêne û waştêne meseleya Kurdî çareser bikero, bi qirkerdişê Qamişlo vernîya nê ame girewtene. La şarê Kurdî vera qirkerdişî îradeyê xo yê cuya azade û demokratîke ramot û bi serhildanê cewabê nê da. Ewro sîtemo xoser ke Rojawan de esto bi zanayîşê serhildananê vera qirkerdişê Qamişlo ameyo ronayene.‘‘